Перейти в мобильную версию: wap.econom-krg.gov.kz
Басты Кері байланыс Сайт картасы Нашар көретiндер үшiн

Қарағанды облысының әлеуметтік-экономикалық дамуының қорытындылары туралы

Қарағанды облысының 2020 жылғы қаңтар-сәуір айларындағы

әлеуметтік–экономикалық дамуының қорытындылары туралы

Ағымдағы жылдың қаңтар-сәуір айларында облыстың негізгі әлеуметтік-экономикалық көрсеткіштерінің келесі серпіні қалыптасты .

Жалпы өңірлік өнім көлемінің өсімі 7,6%-ға немесе 5 346,9 млрд.теңгеге қамтамасыз етілді (2019 жылдың қорытындылары).

6 негізгі салалардың даму серпінің қамтитын қысқа мерзімді экономикалық индикатор (өнеркәсіп, ауыл шаруашылығы, құрылыс, сауда, көлік, байланыс) 101,6%-ды құрады.

Өнеркәсіптік өнім 904,9 млрд. теңгеге немесе өткен жылдың сәйкес кезеңіне 103,3% өндірілді. Оның ішінде өңдеу өнеркәсібінің өнім көлемі 699,8 млрд. теңгені немесе өткен жылғы сәйкес кезеңге 104,8% құрады.

2020 жылы 842 жаңа жұмыс орындарын құрумен 194,6 млрд.теңге жалпы сомасына 6 жобаны іске қосу жоспарланады. 

Ауыл шаруашылығының жалпы өнім көлемі 44,8 млрд. теңгені құрады, нақты көлем индексі 101,8%.

Ірі қара мал басы 3,3%-ға, жылқы басы 9,1%-ға, ешкі басы 0,1%-ға ұлғайды. Сүт өндірісі 2,6%-ға, ет 3,2%-ға өсті.

2020 жылдың қаңтар-сәуірінде нақты көлем индексі 113,1% негізгі капиталға 167,3 млрд. теңге инвестиция құйылды.

Құрылыс жұмыстары 61,8 млрд. теңгеге орындалды, нақты көлем индексі 125,5%.

142,2 мың шаршы метр тұрғын үй іске қосылды немесе 2019 жылғы қаңтар-сәуір деңгейіне 104,1%.

2020 жылдың 1 мамырында жұмыс істеп тұрған шағын және орта кәсіпкерлік субъектілерінің саны 87 601 бірлікті немесе өткен жылдың сәйкес кезеңіне 99,1% құрады.

2020 жылдың 1 тоқсан бойынша жұмыссыздық деңгейі 4,4% құрады, орташа айлық еңбекақы 16,2%-ға артып (2019 ж. 1 тоқсанымен салыстырғанда) 182,8 мың теңгені құрады.

Инфляция 103,4% денгейінде, оның ішінде азық-түлік тауарларына – 106%.

2020 жылдың 1 мамырындағы жағдай бойынша облыс бюджеті 539,6 млрд. теңгені құрады, оның ішінде республикалық бюджеттен субвенциялар, несиелер және трансферттер – 60,5%. Әлеуметтік мәселелерді шешуге 278,6 млрд. теңге бағытталды (51,6%), оның ішінде білім беруге – 186,8 млрд.теңге, денсаулық сақтауға – 18,3 млрд.теңге. 2020 жылдың қаңтар-сәуірінде мемлекеттік бюджетке 110,1 млрд. теңге көлемінде кірістер түсті.

 

Дата cоздания: 27 Сәуір 2018 10:14
Дата редактирования: 14 Мамыр 2020 18:40
Телефон доверия:
41-17-10
Адрес местонахождения:
г.Караганда, ул. Алиханова 13

Қаржы министрлігінің жаңалықтар