Перейти в мобильную версию: wap.econom-krg.gov.kz
Басты Кері байланыс Сайт картасы Нашар көретiндер үшiн

«Нұрлы жол» мемлекеттік бағдарламасын жүзеге асыру туралы ақпарат

"Нұрлы жол" инфрақұрылымды дамытудың 2015 - 2019 жылдарға арналған мемлекеттік бағдарламасын

Қарағанды облысында 2019 жылы іске асыру туралы ақпарат

2019 жылы Қарағанды облысында инфрақұрылымды дамытудың «Нұрлы жол» мемлекеттік бағдарламасы аясында автомобиль жолдары және тұрғын үй-коммуналдық шаруашылық салаларында 6 жобаны жүзеге асыруға 14 млрд. теңге (республикалық бюджет – 11 179,4 млн. теңге, облыстық бюджет – 2 785,3 млн. тенге) бөлінді.

«Нұрлы жол» бағдарламасының «Көліктік-логистикалық инфрақұрылымды дамыту» бағыты бойынша жергілікті маңызы бар автомобиль жолдарын қайта құру және жөндеуге 8 964,4 млн.тенге бөлінді. 8 820,6 млн.теңге игерілді немесе жоспарға 98%.

 Автомобиль жолы мен көпірді қайта құруға 1 131,6 млн. теңге бөлінді:

1. «"Новодолинка-Шахан-Молодецкое" автомобиль жолын қайта құру -800 млн.теңге. 100% игерілді.

2. Облыстық маңызы бар "Ақсу-Аюлы-Ағадыр-Мойынты" автомобиль жолындағы Жаман-Сарысу өзені арқылы өтетін көпірді қайта жаңарту 71+400 км – 331,6 млн.теңге. Мердігер ұйымның жұмыс көлемін орындамауына байланысты 46 млн. теңге игерілмеген (көпірдің асфальтбетонды жабынын орнату, көпжылдық шөптерді себу, темір бетон конструкцияларын бояу, жол белгілерін орнату, айналма жолды бөлшектеу).

Облыстық және аудандық маңызы бар жолдарды күрделі жән орташа жөндеу бойынша 20 жобаны жүзеге асыруға 7 832,8 млн. теңге бөлінді. 7 735 млн.тенге немесе жоспарға 98,8% игерілді. Екі жоба бойынша өндірістік жұмыстар кестесінен қалыс қалуына байланысты 97,8 млн.теңге игерілмеген. Өтпелі жобалар.

«Нұрлы жол» бағдарламасы аясындағы жобаларды жүзеге асыру автокөлік қозғалысының қауіпсіздігін арттыруға, ішкіөңірлік мобильділікті дамытуды үдетуге мүмкіндік берді.

2019 жылы «Нұрлы жол» мемлекеттік бағдарламасы бойынша бюджеттік кредиттеу механизмі арқылы Қарағанды қаласында 4 магистральді жылумен жабдықтау желілерін қайта құру бойынша жұмыстар жүргізілді.

Желілердің ең күрделі жағдайдағы учаскелері қайта құрумен қамтылды, 2019 жыл қорытындылары бойынша 4,7 км қайта құрылды, бұл Қарағанды қ. 2,2 км және Жезқазған қ. 2,5 км магистральді жылу желілері.

Аталған жобаларды іске асыру Қарағанды және Жезқазған қалаларының 300 мыңға жуық тұрғындарын жылумен қамтамасыз ету сапасын жақсартуға мүмкіндік береді.

Жыл қорытындысы бойынша бюджет қаражатын игеру 5 млрд.теңгені құрады (жоспарға 100%).

2020 жылғы 1 қаңтардағы жағдай бойынша нысандарда 1 502 (автомобиль жолдары саласында – 1 422, тұрғын үй-коммуналдық шаруашылық саласында – 80) уақытша жұмыс орындары құрылды.

Инфрақұрылымды дамытудың «Нұрлы жол» мемлекеттік бағдарламасы ааясында бөлінген қаражатты уақтылы игеру мәселесі тұрақты бақылау және мониторингке алынған.

 

Дата cоздания: 26 Ақпан 2019 12:30
Дата редактирования: 26 Ақпан 2020 17:16
Телефон доверия:
41-17-10
Адрес местонахождения:
г.Караганда, ул. Алиханова 13

Қаржы министрлігінің жаңалықтар