Перейти в мобильную версию: wap.econom-krg.gov.kz
Басты Кері байланыс Сайт картасы Нашар көретiндер үшiн

Республика жаңалықтары

21 Қараша 2019 13:23
Президенттік жастар кадр резервіне іріктеудің келесі кезеңіне 400 жас маман жолдама алды

"Соңғы кезеңнің нәтижелері бойынша 400 қатысушы келесі кезеңге жолдама алды. Өткен қатысушылардың толық тізімі Pkrezerv.kz сайтында жарияланды. Келесі кезең - ағымдағы жылдың 27 қараша мен 13 желтоқсан аралығында өтеді. Ол кезеңде Сараптама комиссиясының мүшелерімен жеке сұхбат болады. Осы сұхбаттың нәтижесі бойынша, кадрлар резерві жөніндегі ұлттық комиссияның қарауына 330 кандидаттың тізімі ұсынылады. Ұлттық комиссия отырысын осы жылдың соңына дейін өткізу жоспарланған. Нәтижесінде, резервке іріктеліп енгізілген 300 жас маман әртүрлі сала бойынша жоғары мемлекеттік лауазымдарға тағайындалады", - деді агенттік төрағасы.

Сонымен қатар оның айтуынша, қажет болған жағдайда іріктелген жас мамандар Мемлекеттік басқару академиясының базасында, сондай-ақ әлемнің үздік білім орталықтарында біліктері мен дағдыларын қалыптастыру үшін қысқа мерзімді курстардан немесе ұзақ мерзімді оқудан өтпек.

Сондай-ақ ол іріктеудің "Потенциалды бағалау" кезеңіне қатысушылардың жалпы санының 36 пайызы - квазимемлекеттік сектор қызметкерлері, 33 пайызы  - жеке сектор қызметкерлері және 31% - мемлекеттік қызметкерлер. Үміткерлердің 47,3 пайызының (250 адам) шетелдік білімі бар, ал қалған 52,7% (278 адам) - қазақстандық жоғары оқу орындарының түлектері екендігін атап өтті.

"Президенттік жастар кадрлық резервіне іріктеуге қатысушылар экономиканың түрлі салаларында тәжірибесі бар. Олардың көпшілігі ірі шетелдік және трансұлттық компанияларда жұмыс істеген немесе жұмыс істейді. Қатысушылар арасында еліміздің барлық аймақтарынан, жақын және алыс шетелдерден (Ұлыбритания, Германия, Франция, Қытай, Ресей, Түркия және Әзірбайжан) өкілдер бар. Сонымен қатар неміс, орыс, татар, әзірбайжан және армян секілді басқа да ұлт өкілдері бар", - деді төрағасы Анар Жаилғанова.

Бқдан бөлек ол Елбасының ел болашағы жас буын өкілдеріне жан-жақты қолдау көрсетіп, қоғам өміріндегі белсенділігін арттыруды әрқашан басты назарда ұстайтынына тоқталды. Сонымен қатар Президент Қасым-Жомарт Кемелұлының "Жастар Қазақстанның даму жолында шешуші рөл атқарады, прогрестің қозғаушы күші де - біздің жастар" деген сөзін еске салып, іріктеудің мақсат-міндеттеріне тоқталды.

"Мемлекеттік қызметке заманауи ойлайтын, құзыретті, қазіргі заманғы трендтерді білетін жастарды тарту мақсатында агенттік тарапынан жастарды Президенттік кадр резервін жасақтау жалғасуда. Өздеріңіз байқап жүргендей іріктеу процесі ашық түрде жүргізілуде. Іріктеудің басым бөлігі ойнлайн режимде өтті. Мұндағы ең басты мақсат қатысушыларға ыңғайлылық жасау және қоғамға қолжетімді болуын қамтамасыз ету. Аталған жобаны жүргізу үшін онлайн платформа әзірленді. Қазіргі уақытта іріктеудің алғашқы төрт кезеңі өз мәресіне жетті. Өз кезегінде қатысушылардың пікірі бойынша, іріктеудің үшінші кезеңі өте қызықты өткен. Бұл кезеңде үміткерлер өздерінің жобаларын қорғады, эссе жазды және құзыреттерін бағалаудан өтті", - деді агенттік төрағасы.

Сонымен қатар агенттік төрағасының айтуы бойынша, бүгінгі таңда  Президенттік жастар кадр резервін іріктеу жобасы шет мемлекеттерде де қызығушылық тудыруда. 

"Қазіргі уақытта Президенттік жастар кадр резервін іріктеу жобасы шетелде де қызығушылық тудыруда. Ағымдағы жылдың қазан айында агенттік жобаны Сингапурда ұсынды. Өткен аптада біз оны Париждегі экономикалық ынтымақтастық және даму ұйымының штаб-пәтерінде, сондағы мемлекет басқару комитетінің 60-отырысында таныстырылды. Президенттің бастамасымен жүргізіліп жатқан жоба қолданыстағы жоспарларға сәйкес әрі қарай өз жалғасын табады", - деп сөзін аяқтады. 

Назерке Сүйіндік

Телефон доверия:
41-17-10
Адрес местонахождения:
г.Караганда, ул. Алиханова 13